Paano Ba Ang Maging Masaya?

Naalala ko, tinanong ako ng pinsan ko "kuya, paano ba maging masaya?" sabi ko madali lang, gawin mo lang ang mga gusto mong gawin magiging masaya ka.

Pero bakit ganun? ngayon ako naman nagtatanong sa sarili ko kung paano nga ba maging masaya. ang sagot: hindi ko talaga alam.

noon sa dating trabaho ko. tadtad ako sa trabaho tapos hindi sapat ang sweldo. minsan mahigit dose [12] oras akong nasa trabaho pero OT thank you yun or "OTY" ang tawag ng karamihan. nakakapagod at nakakasawa. ni hindi ka na makatawa sa sobrang tadtad sa trabaho. nung nakalipat na ako, hindi ganun kahirap ang trabaho at ang sweldo sakto sa pangangailangan ko. ang tanong, naging masaya ba ako?

madalas din akong masaktan ng mga taong mahal ko. sabi nga nila, kaya ka nasasaktan kasi mahal mo sila. pero normal pa ba na lagi ka na lang masasaktan para sa kanila na parang minsan hindi mo na din kilala ang sarili mo? binibigay mo na ang lahat pero parang kulang pa din. magiging masaya ka pa ba?

dati nangungulila ako sa isang ama simula ng kinuha na sya ni Lord. ngayon naman pati sa nanay nangungulila ako dahil nasa ibang lugar na sya. kahit nasa tamang edad na ako, hinahanap ko pa din sila. malungkot diba?

kung titignan ko ang mga bagay na meron ako, wala na ata akong hihilingin pa. meron kaming sariling bahay na inuuwian, kumikita ako para tustusan ang pangangailangan ko at nabibili ko ang mga gusto ko, meron akong mga gadgets na nasa uso tulad ng digi cam, ipod, celfone, PC at kung ano ano pa, nakakapag bakasyon ako sa iba't ibang lugar tulad ng puerto galera, boracay at bohol pero yun lang ba ang basehan para maging masaya? parang hindi. mga panandalian lang yun.

maraming bagay ang hindi ko mapaliwanag. hindi ko alam kung paano uumpisahan at paano tatapusin. pero ang alam ko, meron akong kailangang hanapin na sa ngayon, hindi ko pa alam kung ano yun.

tama nga talaga, para sa iba, madaling sabihin na madali lang maging masaya pero ang totoo, sobrang mahirap. "Paano ba talaga maging masaya?" isa ito sa madaming tanong ko sa buhay. siguro sa tamang panahon, magiging malinaw din ang lahat...